دقات طيفك

على باب خاطرى

ايقظتنى ذات صباح

تركت صلاة الحكمة

واتبعت طرقات عصاك

......

طريقنا

يمتد الى حيث ينسى النهر ..الماء

وتنسى الفراشات...الألوان

وتنسى الشياه

ايا الراعى

عناق اغصاننا

وترعى كلاء قلبى

 

......

طرقات عصاك

تطرب خطواتى

وطريقك..يرصفه الجنون

لماذا..أتبعتك

إن كنت لاأعرف

هل أنا احبك

ام أنا احبك؟؟

 

......

تفقدنى الحكمة

ايا الراعى

أم ترانى

انا التى فقدتها

فى إبتسامتك الوحيدة

وسكنى طيفك

لخاطرى

 

 

التاج دا جانى....ورب العرش نجانى

 

متبصليش بعين رديه..شوف كام تاج ملزوق فيا

...........

اخدتنى حالتى النفسية والصحية والعملية_من العمل يعنى_بعيد عن التدوين وحياته..وأرجع بشوق الاقى تاج متمررلى من أخينا الأصغير...النقيب كيبو أفندى

طيب...استعنا على الشقى بالله

 

يارب ياساتر_من اولها هضحى بحياتى_الأجابة المثالية اياها...أسرتى...بس لو بتسألنى من ناحية تانية..فأقولك مفيش حد يستاهل...العمر مش بعزقه....أنا بحلم بحسن الخاتمة ومش مستعده أموت دلوقت..ربنا يرزقهالنا جميعا

 

هما مش واحد...صراحة هما أربعة...الاربع جنود الأسرائلين اللى كانوا بيجروا واحد فلسطينى..هما قتلوه..بس تعمدوا يمثلوا بحثمانه الشريف ...ساعتها فكرت..لو كنت هناك ومعايا سلاح...أى سلاح...مكانوش سلموا من ايدى أبدى..حتى لو طالونى قبل مااطولهم

بس فى العادى..عمر ماحد ملاء قلبى تجاه الحقد الأسود دا..ابدا

 

 

ياااه هما كتير جدا....بس اللى فى ذهنى دلوقت"أوتار الماء" لمحمد المخزنجى

 

مرتفعات ويذرينج طبعا...كنت فاكرا إن دا واضح

 

هممم..مش عارفة انت تقصد ايه بكلمة جهاز منزلى..طيب انا عتبر الكلمة دى معناها اى جهاز فى المنزل

الراديو...والكمبيوتر....مقدرش اعيش من غيرهم

 

مرتفعاتى....ومن أجل المادية نقول..غرفتى..يعنى مرتفعاتى برضه

 

النيل....بيخطفنى خطف...فعلا نهر من أنهار الجنة..مهما عملنا فيه

 

الجامع الأزهر الشريف....وساحته

 

أسوان...شوارعها مفتوحة على النيل..بتحبه..وبيحبها..وفيها لاقيت راحة وأمان وسط ناس معرفهاش..بس حسيت انهم عارفينى وبيحبونى

 

شرم الشيخ_بعيدا عن فنادقها ومنتجاعتها..واللى بيجرى فيها_فهى اجمل مكان على الأرض...سينا كلها حقيقى..لما دخلت من اول دقايق عرفت المصرين ضحوا بحياتهم عشانها ليه

 

الكلب اللى كان بيطلع مع توم وجيرى فى الكارتون بتاعهم....كنت بموت فيه

 

نوكيا 6260

 

معرفش

 

 

120 جيجا

 

13 جيجا

 

مش عارفة..نفسى تبقى الميه وعشرين...بس تبقى مصيبة لوكانت 13 بس من 120..كدا اسقط..بالثلث..ربنا يجعلنا واياكم من السعداء فى الدارين

 

هممممم..دلوقت...اخلص من كتابة التاج دا..واقوم أصلى

 

هو انا ليه حاسة انى اتسألت السؤال دا قبل كدا...نهايته...مفيش مواصفات معينة..فى قواعد وخطوط عريضة بتفرضها المكانة الاجتماعية ودرجة التدين للعائلة...ودى بتختلف من بيت للتانى ومن طبقة اجتماعية لاخرى..بس عموما انا ليا بس طلب وحيد...أنه يكون متفهم...وحنون..وووو...ولو ممكن يكون كاظم الساهر يبقى فل قوى

 

بتصعب عليا..والله ماتستاهل كل اللى بيجرالها

 

اليهود من أهل الكتاب احترام ديناتهم وهم كاشخاص أمر دينى لازم التزم بيه...بس لوتقصد الصهاينة...فبحس بحاجات كتير....بس الاحساس الاوقع..............خيبتنا

 

 

قبل...ولابعد التعديلات...ماتوضح سؤالك

بس حاليا...ومن واقع الوضع بتاعنا...فبضرب نفسى تلاتين صرمة..عشان رفضت قعدة صالون مع والدة واحد ظابط كان عاوز يتقدم...مش كان زمانى دلوقت حرم البيه الظابط..واكيد العوازل..ويبقى ليا فى البلد شارعين تلاته...هه النصيب بقى

 

بتمنى ربنا ميردنيش لارذل العمر...وانى اموت بصحتى ولايحوجنى لحد ابدا

 

افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
بدعيله ربنا يزيده..ويبعد عنه ولاد الحرام_من الشرطة لحد بتوع الافكار الغبية بتوع التكفير والحرابة وخلافة

 

 

ولاحاجة.....عادى يعنى..ماأشارات القاهرة مقفولة على طول...بمسئول أو من غير

 

ونمرر التاج

لمحمد جميل

وريم البرارى

وعلياء سا الخير

ياسر هوك افندى

الهرواك_اللى عارفة انه مش هيرد عليه_النايم

واى حد يحب يتفضل..بالهنا والشفا

 

 

 

 

أستطيع أن أرى الآن بقية الرمادى المنقشع بشقوق روحى

وأن ترتسم بالافق خاصتى

جسورى التى عرفتها

قديما

 

 

...........

كانت الأيام فى الرمادى

طويلة

صامتة

تلهم الموت بداخلى

ان يبتكر وجعا أكبر

تلهم السكون حولى

أن يلهبنى بشظاياه أكثر

تعلم بقية الحياة بداخلى

النسيان

 

 

..........

على الجسر الذى يربط بين المدينة

التى سكنتنى

ونفسى

أمسكت وجهى مقطبا

وحين حاورته

أفضى إلى سر أمتلا النهر

بالطين

"وقت طويل مر..منذ كنتى"

قال

 

 

...........

"هل زارنا القمر؟"

سألنى لليلى

بوجه مظلم أجبت

أرسل رسالة قصيرة

وقال

إن عليه الليلة فرض الإنتحار

........

...........

تسر نفسى إلى نفسى امرا

تعالى أطلعكى على حقيقة

من ضيع الألوان

 

.........

 

...........

ولم يخذلنى النهر

فاض

غسل الطين

والرمادى

مد الجسور

اعاد الوانى الداكنه

والأكثر إشراقا

كسر القمر

ومد إلى يده

بمنثوره

وفى الأفق هناك

ضحكة صغيرة

اعرفها

تنير الطريق

.....................................

*الأزرق...محمود دروش

*الأسود....أنا