مرحبا علياء..
المشكله انك تشاهدى الحياه بلونها البمبى فى التلفاز ..ثم على النت وفى المدونات لونها أسود كحل..

بس على كل الاغنيه لذيذه والله بغض النظر عن اى حاجه فمصر كمصر لذيذه وكفايه انها من ايام الفراعنه وكاتمه فى قلبها ومستحمله ..ولا ايه؟

علياء وحياتك تقولى لى الشبشب دا بيتباع فين .. لو ليكي سكة مع المنتج بتاعه احنا ممكن نعمل شغل جامد جداً مع بعض .. انا على استعداد أستلم منك طلبية ليا ولكل زمايلي فى الوحدة والوحدات اللي جنبنا كمان .. مش هقدر اقولك هم كام بالضبط عشان دي أسرار عسكرية .. بس هم كتير اوي يعنى .. وانا متأكد وواثق انهم هيفرحوا جداً جداً بالشبشب دا .. اكتر مما تتخيلي !

لأ يا جماعة .. احنا مش عايزين ندوس على علم بلدنا .. احنا عايزين ندوس على ظالم بلدنا

كان علي أن انتظر ربما أسابيع قبل أن أشاهد الأغنية للمرة الأولى .. كان التأثر يبدو واضحاً على كل العساكر الغلابة جداً .. المتعبين بحق .. المتحلقين حول التلفزيون 26 بوصة ماركة (أكاي) والريسيفر ماركة (NCE).. يتذكرون الآن فقط انهم يحبون مصر .. وأنهم شربوا من نيلها .. حتى لو كانت المياه تأتيهم فى عربات ذات خزانات صدئة تفرغ حمولتها من المياه (المعدنية جداً) في بيارات أرضية عبارة عن خزانات اسمنتية .. مفتوحة منها للسما !
بعد أن انتهت الأغنية سألت الدفعة اللى جنبي واللى كان شكله خلاص قرب يعيط: إيه رايك فى الأغنية ..
كان واضح انه متأثر .. قالي: والله مش عارف .. بس البت (شيرين) كل اغنية بتحلو عن اللى قبلها .. وفي الأغنية دي بالذات شكلها بقت (مُزَّة مُزَّة) يعنى !
التفت متابعاً تترات النهاية .. واعتقد أنني وافقته الرأي !
hmed@

مرحبًا..

تسربت كلمات الأغنية إلى داخلى عندما سمعتها لأول مرة بدون كليب.. أعجبت بها.. إنها مصر كما أود أن يغنون لها.. لهذا السبب فط أعجبت بها..

و أعتقد أن مصر الحقيقية التى "نشرب من نيلها" الآن ستتوجه برفع دعوى قضائية ضد شيرين تتطالب فيها بتعويض لا بأس به عن هذا الإستغلال و السب العلنى !

اهلا..يوجين
الحقيقة انا شايفها كحلى منقط بأسود فى الشوارع..القاهرة ماليانه غلب..غلب يايوجين..اللى حرق دمى انها مش شبة القاهرة اللى اتصورت فى الاغنية خالص
اها هى كاتمة..ماهو دى المشكلة..انها كاتمة ..وساكتة

نورتينى...لولا

يافندم..يالى انا عارفة انت مين..جارى تظبيط الصفقة..;)

بنت مصر

يابنتى كل حاجة فى بلدنا اتداس عليها..جت على العلم..والظالم..طول محنا ساكتين ومتانتخين قدام التلفزيون..وبنسمع شرين..هيبقى زى ماهو..ظالم

أحمد...بعد الأغنية دى..قريت ان شرين_المزة_ تنتوى الأقامة فى لبنان..لانها لقت من اهلها تقدير لم تلقى مثله من اهل مصر..على الرغم من انها_خد بالك_ رفعت أسم مصر عاليا...اى والله البنت عملت اللى عليها وزيادة..ورفعت اسم المحروسة مصر عاليا.....هاااه عملت انت ايه لمصر يارديف



محمد..نيو لايف

لك وحشة ياراجل..فينك..اكيد..مش عاوز حد يشهد فى القضية

سمعتها مرة واحدة من قبل.. مت على نفسي من الضحك..
لما قرأت تدوينتك بكيت...

داف
نورتنى أكيد

البكا ببلاش..فابكى..الغناء بس اللى بيجيب فلوس فى مصر..
ولذلك تلاقى الحكومة كل يوم تغنى علينا

دخل قومى بقى... ;)

نورتنى مرة تانية

لولا